Xildhibaan Garaad oo ku Dalacay Aflagaadadii uu u Gaystay Genaraal Nuux Taani iyo Abiib Timacad Mohamed Hassan Aadan – London UK

Xildhibaan Garaad oo la wada ogaa wuxuu saxaafada u marin jiray masuuliyiin xilal ka hayaa qaranka ayaa loo magaacaby wasiir.
Garaad oo ka soo jeeda gobolka Awdal, kana tirsan Golaha Guurtida Somaliland, waxa uu aflagaado saxafadda u mariyey xilligii ay dilalka foosha xumi ka dhaceen deegaanka Seemaal Nuux Taani oo markaa ahaa taliyaha ciidanka qaranka iyo la-taliyaha arrimaha siyaasadda madaxweynaha Mr. Abiib Timacad, isagoo marar badan saxaafad ka sheegi jiray inay ka dambeeyan dagaalkii Seemaal oo la wada ogyahay cida ka danbaysay, waxaannu xildhibaankaas madaxweyne Siilaanyo inuu noqdo Wasiirka Qoyska iyo Arrimaha Bulshadda, isagoo iska indho tiray meel-ka-dhaca iyo sharaf dilka Xildhibaanka wasiirka laga dhigay ku sameeyay madaxda qaranka xilka ka hayay.
Haddaba, dad badan ayaa isweydiinaya tallow; Madaxweyne Siilaanyo muu la ogaa caydii Xildhibaan Garaad ku sharaf dilayay Gen. Nuux Ismaaciil Taani, taasoo la odhan karo malaha way is ogaayeen Siilaayo iyo Garaad oo maantaba waakaas xilka wasiirimo u magaacabaye.
Xildhibaan Garaad oo maanta ah wasiir ka tirsan xukuumadda Somaliland hadii golaha wakiilladu ansixiyaan marka la horgeeyo, waxa lagu xusuusan doonaa hadaladiisii xajiinta lahaa ee uu doonayey inuu isku dhufto dadka walaalaha ah ee reer Gabiley iyo Awdal, iyadoo xilligaas Nuux Taani sheegay inuu maxkamad u gudbinayo Xildhibaan Garaad si wax looga weydiiyo aflagaadooyinkii uu kula kacay xiligii dilalku ka dhaceen deegaanka Seemaal.
Haddaba ummadda reer Somaliland ayaa is waydiinaysa xukuumada Axmed Siilaayo ay ku soo badanayaa dad aan ummadda xil u qaban Karin, laakiin luminaysa taageradii ay ka haystay shacabka, waxaanan kula talinayaa madaxweyne Axmed Siilaanyo inuu ka noqo xilka wasiirnimo ee loo magacaabay Xildhibaan Garaad uu u magaacabay cid kale oo hanan karta u dhiibo oo ka soo jeeda Gobolka Awdal.
Mohamed Hassan Aadan – London UK