“Waxaannu u sheegaynaa kuwa marka ay wis-wisaan Xamar u cararaya, Ingiriiska iyo Obama (Madaxweynaha Maraykanka) ugama haybadaysanaynno wax aanay ummadayadu doonayn” Md. Muuse Biixi Cabdi

June 25, 2013 - Written by Maxamed Cabdillaahi Dubbe

muuse-biixi2Hargeysa (SLF)- Guddoomiyaha xisbiga taladda haya ee KULMIYE Md. Muuse Biixi Cabdi, ayaa shuruud adag ku xidhan wadahadal Jamhuuriyadda Somaliland la gasho dalka Soomaaliya, isagoo xusay in aanay Madaxweynaha Maraykanka iyo Ra’iisal-wasaaraha Ingiriiska midkoodna uga haybadaysan doonin wax kastoo aanay ummadda Somaliland raalli ka ahayn.

Md. Muuse Biixi oo hadal ka jeediyey xaflad abaalmarinno lagu guddoonsiiyey shalay ciyaartoyga ugu wanaagsanaa tartankii gobollada Somaliland, waxa uu caddeeyey in aan Soomaaliya lala hadli karin ilaa la aqoonsado xusuuqii iyo dhibkii taliskii Siyaad Barre kula kacay shacabka Somaliland.

“Soomaali waxay wadahadlaysaa marka la aqoonsado wixii gaadhay dalkan iyo xasuuqii ku dhacay, inta ka horreysa se waxba la wadahadli maayo. KULMIYE taas ayaa udub-dhexaad u ah.

Dad badan baa imminka wis-wisay oo yidhaa KULMIYE halkee buu innagu wadaa Ra’iisal-wasaarihii Ingiriiskana waa la diiday wixii uu soo jeediyaye iyo KULMIYE wuu inna go’doominayaa. Maya ayaannu leenahay. Waxaannu u sheegaynaa kuwa marka ay wis-wisaan Xamar u cararaya ama meelahaasi carara; Ingiriiska iyo Obama (Madaxweynaha Maraykanka) ugama haybadaysanaynno wax aanay ummadayadu doonayn,” ayuu yidhi Md. Biixi.

Dhinaca kale, Guddoomiyaha xisbiga KULMIYE waxa uu si adag u difaacay siyaasadda arrimaha dibadda ee xukuumadda Madaxweyne Siilaanyo, isagoo tilmaamay in ujeedada ugu weyn ee siyaasadda khaarajigu tahay sidii Somaliland oo madaxbannaan uga mid noqon lahayd beesha caalamka.

“Qodobka innoogu adag waa arrimaha dibadda. Mucaarid badan baa KULMIYE ku canaanta arrimaha dibadda, markaa waxaan doonayaa inaan inyar caddeeyo. Maanta siyaasadda arrimaha dibadda halkee ayaynu maraynaa? Arrimaha dibadda saddexdaas sannadood waxa uu ku socdaa waxa nuxur u ah khudbaddii Madaxweynuhu ka jeediyay Ankara iyo Ra’iisal-wasaaraha Turkiga hortiisa, isagoo fadhiyey markii la doodayay ninka Xamar xukuma ee Xasan-ka Madaxweynaha Soomaaliya. Garnaqsigeennu wuxuu ahaa kamay dhicin caalamka meel inta la xasuuqay oo diyaaraddii halkan [Hargeysa] ka kacday ay xasuuqday oo haddana lagu odhanayo iyagaa lagugu ictiraafayaaye’e dhegayso. Khudbaddii Madaxweynuhu kula garnaqsaday Ra’iisal-wasaaraha Turkiga halkaas oo Xasan-na fadhiyay taas ayey ahayd.”

Waxa kaloo uu tilmaamay in Somaliland doonayso madaxbannaani si ay u noqoto dal xor ah jaarkiisa iyo beesha caalamka kula noolaada nabadgelyo, isagoo arrintaas ka hadlayeyna waxa uu yidhi; “Mid walba si cad ayaannu ugu sheegaynaa waxa ay ummaddayadu doonayso; waxay doonaynaan Somaliland oo madaxbannaan oo xor ah oo nabad jaarkiisa iyo adduunka kula noolaada. Laakiin isagu go’aankiisa iyo xorriyaddiisa leh.”

Sidoo kale, Guddoomiyaha KULMIYE waxa uu sheegay inaanay Somaliland werwerayn inta uu hoggaaminayo Madaxweyne Axmed-Siilaanyo, waxaannu isbarbar-dhigay waddamada Somaliland iyo Soomaaliya oo uu ku sifeeyey laba dal oo midkood nabdoon yahay midna meel walba xabbaddu ka dhacayso.

Ugu dambayn, Md. Muuse Biixi Cabdi waxa uu ugu baaqay mucaarid iyo muxaafidba in si wadajir ah loo ilaashado danaha qaranka Somaliland iyo nabadgelyada dalka ka jirta.

 

Wariye Siciid Xuseen Yuusuf

 

Siciid4@yahoo.com

 

Comments are closed.

Amas University

Faalooyin
Mashruucii Biyo Galinta Tog-Wajaale Halkuu Ku Danbeeyey Tolaw Hagrashadu Ma Wasaarada Biyahaa Mise Waa Xukuumada.    June 16, 2017
Mashruucii Biyo Galinta Tog-Wajaale Halkuu Ku Danbeeyey Tolaw Hagrashadu Ma Wasaarada Biyahaa Mise W
Qalalaasaha Diblomaasiyadeed ee Qatar iyo Carabta kale: Maxaad Kala Socotaa?    June 6, 2017
Shalay 5tii June, 2017 waxa dhacay dhacdo diblomaasiyadeed oo taariikhi ah, dalal badan ayaa xidhiid
Daawo: Mooshin Ka Dhan Kelmadda DHAQAN-CELIS    May 24, 2017
- Barnaamijka kulanka Gorfaynta oo ka baxa idaacadda Radio Maqal oo laga dhegayso Oslo iyo nawaaxige
Maxaynu Ka Baranay Sanadkan 18ka May /Qalinki suxufi madax banan cabdiraxmaan maxamed xidig    May 24, 2017
iyadoo shacbiga  reer somaliland ay ka midyihiin   bulshooyinka caalamka ee dhowaan la jaanqaaday
thumbnail_vvv Hambalyadii 18 May ee Itoobiya oo Jabuuti, Turkiga, Kenya ka aamuseen, oo dareenka shacabka Somaliland    May 20, 2017
Hargeysa- Jamhuuriyadda Dimoqraadiga Federaalka Itoobiya ayaa noqday dalka keliya ee ku soo hambalye
Somaliland 18 May 2012..Waa Malintii… Midigta Isqabsaday
Archives
June 2017
M T W T F S S
« May    
 1234
567891011
12131415161718
19202122232425
2627282930  
Site stats
  • Who's Online

    0 visitors online now