“Waxaan idiin cadaynayaa xisbiga KULMIYE ma uu samayn wax ku shubasho ah”Cida ku qanci wayday ee leh wax baa iga khaldan waxa u furan inay maxkamadda tagtaa” Muuse Biixi Cabdi

December 8, 2012 - Written by Maxamed Cabdillaahi Dubbe

 

HARGEYSA (Somalilandfuture) Guddoomiyaha Xisbiga talladda haya ee KULMIYE Md. Muuse Biixi Cabdi ayaa beeniyay inay xisbigiisu ku shubtay doorashadii Goleyaasha deegaanka ee dalka ka qabsoontay 28-kii bishii November 2012.

 

“Horta mid baan idiin cadaynayaa xisbiga KULMIYE ma uu samayn wax ku shubasho ah, horta cid xisbi ah oo inta ay ii soo martay maxkamad, komishan ama toosba iigu timid oo leh waxaas ayaanu kaaga cabanaynaa ma jirto, tuulo iyo degmo qudha midna kama hayno,”ayuu yidhi Guddoomiyaha KULMIYE.

 

Guddoomiyaha oo hadalkiisa sii watay wuxuu yidhi “Qofkii tartama ee sidii uu doonayo u dhici waydaa, qofkaasi waxa uu daydayaa inay wax ka khaldan yihiin iyo in kale. Gobol walba natiijadii soo baxday iyo sanduuq walba codkiisii waxa noo soo gudbiyay Komishanka. Komishanku sidii uu wax u tirinayayna qeyb baanu ku lahayn oo goob walba waxa noo joogay goob joogay.”

 

“Cida ku qanci wayday ee leh wax baa iga khaldan waxa u furan inay maxkamadda tagtaa oo ay tilmaantaa goobta ay ka cabanayso oo ay maxkamadu go’aan ka gaadho. Taasina waa awood aanaan anaggu (KULMIYE) ahaan shaqo ku lahayn,”ayuu yidhi Muuse Biixi oo galabta u waramayay HCTV.

 

Md.Muuse Biixi waxa uu xusay inaanay jirin xisbi ama urur awood u leh inuu faro-geliyo codadka murashaxiinta.

 

Gudoomiyaha xisbiga Kulmiye oo ka hadlayey dhinacyadii kala duwanaa ee ka qayb qaatay qabsoomidda doorashooyinka ayaa uga mahadnaqay kaalintii uu Madaxweynaha Somaliland Md. Axmed Maxamed Maxamuud (Siilaanyo) ka qaatay hirgelinta doorashada iyo sidii xukuumadda oo kaashanaysa Shacbigeeda ay u sugtay amniga xiligii doorashadu dhacaysay.

 

Md. Muuse Biixi waxa kale oo uu ku ammaanay gudiga Doorashooyinka qaranka, ururadaii ka qayb galay doorashada iyo musharixiintii tartamayey isagoo uga mahadnaqay ururada caalamiga ah iyo kuwa wadaniga ah kaalintii ay ka ciyaareen geeddi socodka dimuqraadiyadda Somaliland.

 

Wariye Siciid Xuseen Yuusuf

Somalilandfuture Hargeysa

Siciid4@yahoo.com

TeLL 25224461316

Leave a Reply

You must be logged in to post a comment.

Amas University

Faalooyin
thumbnail_food “ Qofku Haduu Xoolo Umadeed Barto Wuu Soo Haliilaa,Waxaanu Garanaynaa Qolooyin Waddani Galay oo Ku Calaacala Waan ku Degdegay Inaan Xirsi Raaco Waayo Laygama jareen 2500$ “ Siyaasi Jamaal Food    February 25, 2017
Hargaysa( )Jamaal Cabdiraxmaan Axmed(FOOD) oo ka tirsan Xisbiga Mucaaridka Ah ee Ucid Ayaa ka Hadlay
Siyaasigu waa ka arka kaaha ka ifaya hogga    February 24, 2017
Siyaasadda Togani waxay qayb ka tahay farshaxanka yoolka qorshaha nidaamka maamulka dowladdnimo, wax
Heersare iyo Dr. Aadan Dharaarihii UFFO Iyo Dr. Aadan Yuusuf Abbokor. Qore: Cabdishakuur Xaaji Muxumed (Heersare)    February 20, 2017
Sannad kasta maanta oo kale 20ka bisha Feebarweri waxa Somaliland looga dabbaaldegaa xuska maalin
Milicsiga saldhigyada milatari ee caalamka iyo casharrada ay Somaliland ka baran karto? (WQ: Sacad Muuse Cumar “Sacad-Makaawi”)    February 19, 2017
Marka hore haddii aynu si kooban u qeexno saldhig militari (military base) waxa weeyi “in uu wadda
Saldhigan millateri Somaliland wuxu ka dhigi doonaa goob dunidu ku tartanto By Axmed Cabdi Ducaale    February 13, 2017
Waxan soo dhawaynayaaa dalabka Dawladda imaaraadku usoo gudbisay xukuumadda Somaliland kaasi oo ah
Somaliland 18 May 2012..Waa Malintii… Midigta Isqabsaday
Archives
February 2017
M T W T F S S
« Jan    
 12345
6789101112
13141516171819
20212223242526
2728  
Site stats
  • Who's Online

    0 visitors online now