Urur-siyaasadeedka SSCD oo si weyn Burco Loogu soo Dhaweeyey

Burco (somalilandfuture) Guddoomiyaha urur-siyaasadeedka SSCD iyo wefti ballaadhan oo uu hoggaaminayo, ayaa si weyn loogu soo dhoweeyey maanta magaalada Burco ee xarunta Gobolka Togdheer.
Gaadiid iyo dadweyne badan oo sitay astaanta iyo calanka urur-siyaasadeedka SSCD, ayaa weftiga kaga hortagay duleedka Burco, kadibna waxa lagu soo wareejiyey jidadka waaweyn ee magaaladaas.
Guddoomiyaha ururka SSCD Mr. Kayse Cabdi Yuusuf oo la hadlay taageerayaashiisa reer Burco, ayaa ugu mahadnaqay sida wanaagsan ee ay isaga iyo weftigiisaba u soo dhoweeyeen.
“Waxaannu u soconnaa sidii aannu furi lahayn xaruntii ururka ee Gobolka Togdheer, waanuna joogi doonaa Burco annagoo kulamo kala duwan la yeelan doona qaybaha kala duwan ee bulshada gobolka, sidaa darteed berri [maanta] ayaannu fagaaraha Khayriyada kala hadli doonaa shacabka reer Burco ee taageerada weyn noo muujiyey,” ayuu yidhi Mr. Keyse Cabdi Yuusuf.
Intaa kadib, Guddoomiyuhu waxa uu xadhigga ka jaray xarun cusub oo urur-siyaasadeedka SSCD ku yeelan doono magaalo-madaxda Gobolka Togdheer ee Burco.
Wefiga urur-siyaasdaeedka Somaliland Sinnaan, Caddaalad iyo Dimuqraadiyadda (SSCD) oo si aad u ballaadhan loogu soo dhoweeyey shalay magaalada Burco oo la filayo inay maalmaha soo socda ku sugnaan doonaan, sidoo kalena kulamo la yeelan doonaan qaybaha bulshada reer Togdheer.

wariye siciid xuseen yuusuf
somalilandfuture2o3o@hotmail.com