Sheekh Dirir: Qofku wuu ku gaaloobi karaa qowlkiisa, ficilkiisa iyo hadalkaba,

April 15, 2017 - Written by Maxamed Cabdillaahi Dubbe

Hargeysa- (SLF)-Sheekh Maxamed Sh. Cumar Dirir ayaa shaaca ka qaaday in qof kastoo ficil ama qowl gaalnimo ku kaca, aan lagu xukumayn ilaa arrinkii la baadho, sida culimada Alhu-sunna Wal-jamaaca qabaan.

Sheekh Maxamed Dirir oo khudbadii Jimcaha shalay si faahfaahsan ugaga hadlay fikirka Tafkiirka iyo waxa Quraanka iyo sunnaha nebigu CSW ka sheegeen ayaa ku bilaabay,

“Ilaahay Qur’aanka kariimka waxuu ku sugay in qofku siduu ugu soo galay kelmad Islaamnimadda,  kelmad gaalnimo u yidhaahdo ama ku dhawaaqana kaga bixi karo.

Sheekh Dirir ayaa sheegay in niman munaafiqiin ah ay ku jeesjeeseen Nebiga CSW iyo asxaabta, oo aflaqaadeyeen, caayeen oo wax ka sheegeen, taasoo Ilaahay aayado Quraan ah ka soo dejiyey ereyadooda ay fudaydsanayaan, ama leeyahiin kaftan ayey naga ahayd inay ku gaaloobeen.

“Hadaad weydiiso, maxaad Nebiga CSW iyo asxaabta u caydeen, waxay odhanayaan, waanu iska ciyaaraynay oo kaftan ayey naga ahayd. Ma Ilaahay aayadahiisa iyo rasuulkiisa ayaad ku dheeldheelayseen, waxaad tidhaahdaa (Nebi Allow) waxba ha cudur-daaranina, waad GAALOWDEEN.”

Qofku wuu ku gaaloobi karaa qowlkiisa, ficilkiisa iyo hadalkaba, haduu kelmad ku soo galay islaamnimada,  mid gaalnimo ahina way ka saari karta.

Sheekh Maxamed oo ka hadlayey sida qofka lagu gaalaysiin karo, ayaa sheegay inuu yahay  keliya sifaha daliilka sharciga Ilaahay iyo Rasuulkiisa CSW ka soo arooray shardiga qof lagu gaalaysiin karo, laakiin, qof neceb dartii qof uma gaalaysiin karo.

Rasuulka CSW si weyn ayuu uga digay in laysku tuurtuuro hebel waa gaal, reer hebel waa gaalo iyo ereyada la midka ah iyo halista ay leeyahiin, sida xadiis saxeex ah Nebigu CSW machaniisu ahaa, “Qofka walaakiisa muslimka ku yidhaahda KAAFIR, (Gaalow), wuu ugu yeedhay, ama wuu ku eedeeyey, haduu qofkaasi gaal yahay, way qabsanaysa, hadii aanu gaal ahayna, qofkii yidhi ayey ku soo noqonaysa, waanu ku GAALOOBAYAA, waajibna ku tahay inuu Ilaahay u soo noqdo oo towbad keeno” ayuu yidhi.

Sheekh Dirir oo ka digayey halista in gaalnimada ummada islaamku si fudud isugu tilmaanto ayaa sheegay in Cali binu Abi Daalib RC, markuu la dagaalamayey qoladii Nebigu CSW sii sheegay ee Khawaarijta, oo weliba amray in la laayo, waxa la yidhi Caliyow, Khawaarijta wa ainnaga dilay ee ma gaalaa? Markaa ayuu ku jawaabay, Hadda, gaalnimada ayaabay ka cararayaan. Wuu ku dhici waayey inuu gaalo ku sheego, iyadoo culimada qaarkood gaalo ku sheegeen.

Qof kastoo  ficil ama qowl gaalnimo ka dhaco, isla markiiba lagu xukumi maayo gaalnimo ilaa la eegayo arrinkiisa, sida Ahlu-sunna waljamaaca qabaan.

Ficilkii uu sameeyey oo laysku raacsan yahay inuu gaalnimo yahay, ayaa haddana dib loo eegayaa qofkii sameeyey in lagu xukumi karo, maadama ay jiraan waxyaalo ka mamnuuci kara in xukunkaa lagu qaado, waana muhiim in la ogaado, waxa ugu horeeya

Gefka: qofka marka loo yeedho waxa la odhanayaa arrinka gaalnimadu ma gef ayuu uga dhacay ee ula-kac, sida xadiis Nebiga CSW ku soo arooray.

Khasabka: marka qofka lagu dirqiyo inuu ku dhawaaqo kelmad kufri ah, xukunka gaalnimadu kuma waajibayo, sida Ilaahay aayad qur’aan ku sheegay macnaheedu ahaa, “Qofka kufriya islaamnimadiisa ka dib, hadaan lagu khasbin, isagoo iimaanku qalbigiisa ku sugan yahay.”

Aqoon-darada: hadii qofku jaahil ka yahay in ficilka ama qowlka uu yidhi lagu gaaloobo, waa loo cudur daarayaa, sidii Nebigu CSW ugu cudur-daaray saxaabo hadal gaalnimo keeni kara ku yidhi, aqoondarro ka haysay awgeed.

Caruur: hadii aanu qofku qaangaadh ahayn, ficilkii gaalnimada keenayey waa looga cudur-daarayaa, laguma xukumayo, sida kale ayaa loo edbinayaa.

Waalida: Sidoo kale qofkii waalan, laakiin marada iska sita haduu kelmad gaalnimo ku hadlo, waa la baadhayaa caqligiisa, haduu ku sifoobo waalida waa loo cudur-daarayaa.

La soco qeyb labaad oo Sheekh Dirir kaga hadlayo taariikhda takfiirka am in qof la gaalaysiiyo iyo arrimo kale.


Comments are closed.

Amas University

Faalooyin
old man Indhihii Hibashada iyo Xusuusta La Ilmeeyey.    July 23, 2017
Maanta oo Axad ah ayaanu kulanay nin Oday ah oo aanu kawada tirsan nahay bahda shaqaalaha caafimaadk
BBC Soomaali Faallo: Si fiican ayay BBC-du Hargeysa ugu xustay lixdan-guuradeeda. Laakiin ma beddeli doontaa sida ay ula dhaqanto Somaliland?    July 20, 2017
Waxa Salaasadii Hargeysa lagu soo gunaanaday dabaaldeg Idaacadda iyo Telefishanka BBC-da ka socday m
DEG-DAG:- Ciidamada Booliska oo Jeelasha Ku Guray Saraakiil iyo Taageerayaal Ka Tirsan WADDANI+ Soo Dhaweyntii Weftiga Muuse Biixi ee Deegaanada Berbera oo Dadka Lagu Qasbaayey    July 18, 2017
Berbera- (SLF):-Ciidamada Booliska ee goballadaTogdheer iyo Saaxil, ayaa xalay illaa saaka xabsiga u
ahm aroos  1 HAMBALYO AROOS: Ahmed-daahir Maxamud Aw Faarax Iyo Fadxiya Xaaji Maxamed + SAWIRRO    July 17, 2017
Hargeysa— Aabo Maxamud Aw Faarax, Hooyo Faadumo Ibraahin Guled, Aamina Maxamud Aw Faarax, Cabdi Ma
1 Dad aan codba hayn yay ku durbaan tumin    July 17, 2017
Waxaynu aragnaa oo aynu tv yada ka dawanaa ragii dadka boobay oo leh beeshii waatan oo waxay u diyaa
Somaliland 18 May 2012..Waa Malintii… Midigta Isqabsaday
Archives
July 2017
M T W T F S S
« Jun    
 12
3456789
10111213141516
17181920212223
24252627282930
31  
Site stats
  • Who's Online

    2 visitors online now