“Anigu maan hadhin oo Ilaahay iyo ummaddiisu way ogyihiin oo codkaygii waxaa lunsaday hoggaanka xisbiga talad haya ee KULMIYE..” Mr. Cabdiqaadir Shabeel

December 8, 2012 - Written by Maxamed Cabdillaahi Dubbe

Hargeysa (Somalilandfuture) Odayaasha iyo Waxgaradka Beesha Cismaan Xuseen ee Waqooyiga Hargeys ayaa ku eedeeyey hoggaanka xisbiga KULMIYE iyo Guddida Doorashada inay musuqmaasuqeen codadk qaar ka mid ah murrashaxiintii ka dhex tartamaysay KULMIYE.

Odayaasha, dhallinyarada iyo aqoonyahanka beesh oo shalay shir isugu yimi hudheelka Panorama ee magaalada Hargeysa ayaa sheegay in codkii murrashaxa beeshooda u tartamaayey uu guddoomiyaha xisbiga KULMIYE Muuse Biixi Cabdi cid kale ku soo saaray, Koomishanka doorashada dhexdeedana lagu musaqay codadkiisii, waxaanay daboolka ka qaadeen inay qadaceen natiijada hordhaca ah ee caasimada Hargeysa.

Suldaanka Guud ee Beeshan Suldaan Xiis Barre oo halkaas ka hadlay, ayaa isagu hoggaanka KULMIYE  ku cambaareeyey inuu si toos ah u musuqay codadkii murrashaxood, waxannu madaxweyne Siilanyo ugu baaqay inuu arrintaas wax ka qabto.

“Beesha Cismaan Xuseen Muusaw, waatii xisbiga KULMIYE soo saartay ee taageertay, kaamanay filayn sidaas, hadday kula noqotay, waannu ka xunahay, waxaanan Muuse Biixaw ku leeyahay, Waxb yaannu xoolan I siin, xaalkayna I marine, xaashe nin libin kaa xastiyey xumihii waa yaab, sababtoo ah inaanad qofka garan, wa inaad garata xaqa, natiijada doorashadaasna m ogolin,” ayuu yidhi Suldaan Xiis.

Murrashax Cabdiqaadir Jibriil Yuusuf (Shabeel), ayaa isagu tilmaamay in codkiisii lagu dhacay xisbiga uu ka sharaxnaa ee KULMIYE, isla markaana ay la yaab ku noqotay natiijad soo baxday, waxaannu ku tilmaamay in wax is daba marin lagu sameeyey xarunta Koomishanka Doorashooyinka, waxaannu yidhi; “Anigu maan hadhin oo Ilaahay iyo ummaddiisu way ogyihiin oo codkaygii waxaa lunsaday hoggaanka xisbiga talad haya ee KULMIYE, markaan waydiiyeyna, wuxuu igula hadlay, waxaan nin weyni afkiisa soo marin karin.

Anigu waxaan u tartamaynay jaadhi walanimo, laakiin ninka doonaya inuu ummadda Somaliland hoggaamiyo ee madaxweyne noqdo waa adiga, haddii aad xisbigaaga u xaqsoori waydo, ma Somaliland baad u xaqsoori, macluumaadkii iyo codadkii goobah ka soo baxay waannu haynaa.”

Murrashaxan muraaqibiintii u joogay goobaha codbixinta degaanka Daarasalaam, waxay sheegeen in natiijada codadkii uu murrashaxu lahaa hoos loo dhigay, kuwii murrashaxiintii kale ee Faraweyne kula tartamayeyna codad siyado ah xarunta Guddida Doorashooyinka dhexdeeda lagu daray.

 

 

 

 

Wariye Siciid Xuseen Yuusuf

Somalilandfuture Hargeysa

Siciid4@yahoo.com

somalilandfuture@yahoo.com

TeLL 25224461316

 

 

 

Leave a Reply

You must be logged in to post a comment.

Amas University

Faalooyin
2 HAMBALYO AROOS    July 18, 2016
Bahda Warsugan Media Group, Bahda Jaamacada Admas University, Naasir Yuusuf Daahir iyo Marwadiisa Ho
m Bulshada S/Land Waxay Ka Markhaati Tahay In Marwo Samsam Ku Suntan Tahay Wasiir Karti Badan ,Daacada, Xilkasa , Sinaan Iyo Cadaalad U Gudata Xilka Qaranka U Hayso Ee Wasaarada Maaliyada.‏    July 18, 2016
Bulshada S/Land Waxay Ka Markhaati Tahay In Marwo Samsam Ku Suntan Tahay Wasiir Karti Badan ,Daacada
5 arrimood oo sababay fashilaadda inqilaabkii Turkiga‏    July 17, 2016
Sida aynu warbaahinta dunida kala socono, waxa si foolxun u fashilmay inqilaabkii Turkiga ka dhacay
Faallo: Kullankii MASALAHA Hargaysa Iyo Wajiyadda Qarsoon! Qeybtii 2-aad W/Q: Mohamed Hassan Daacad‏    July 15, 2016
Xisbigga UCID oo ah Xisbigga  Beelaha Koonfurta Hargaysa iyo deegaanka Sallaxley taageeradda ugu ba
Faallo: Kullankii MASALAHA Hargaysa Iyo Wajiyadda Qarsoon! W/Q: Mohamed Hassan Daacad‏    July 11, 2016
Waxa uu kullan inta badan Waraabinta laga qariyay,waxaana uu qabsoomay iyadda oo dadku ay siyaasadda
Somaliland 18 May 2012..Waa Malintii… Midigta Isqabsaday
Archives
July 2016
M T W T F S S
« Jun    
 123
45678910
11121314151617
18192021222324
25262728293031
Site stats
  • Who's Online

    0 visitors online now