Musharax Cirro Oo Ka Haddlay Socdaal Uu Bari Ugu Kicitimayo Dalka Boqortooyada Ingiriiska Iyo Faaf-faahin Uu Ka Bixiyey Nuxurka Khudbad Caalami Ah Oo Uu Ka Jeedin-doono Xarunta Chatham House

March 12, 2017 - Written by Maxamed Cabdillaahi Dubbe

Hargeysa (SLF) Guddoomiyaha golaha wakiilada Somaliland ahna  musharax  Madaxweyne ee Xisbi  Mucaaradka ah ee  WADDANI C/raxmaan Maxamed C/laahi Cirro ayaa ka haddlay socdaal uu isniinta  beri ah ugu baxayo dalka ingiriiska, gaar ahaana magaalada London, iyadoo uu musharax Cirro uu martiqaad rasmi ah ka helay xarunta lagu falaqeeyo Siyaasada ee loo yaqaano Chatham House, halkaasi oo uu Musharax Madaxweyne ee Xisbi Muacaradka WADDANE Dr C/raxmaan Cirro ka jeedin doono khudbad dheer oo aad u  qiimo badan, taasi  oo ay madax badin ka soo qayb-geli doonto dhegeysigeeda.

 

Musharax  Xisbi Mucaaradka WADDANI Dr C/raxmaan Cirro  oo maanta wareysi gaar ah siinayey Tv-ga HCTV, ayaa faah-faahin ka bixiyey ujeedda socdaalkiisa  uu beri ugu kicitimayo dalka ingiriiska , waxaanu  sheegay inuu marti qaad rasmi ah ka helay xarunta lgu falaqeeyo siyaasada ee loo yaqaan  Chatham House ee ku taala magaalada London, isagoo sheegay inuu ka jeedin doono khudbad uu kaga haddlayo  Jamhuuriyada Somaliland marxaladii kala duwanaa ee ay soo martay iyo xaalada abaareed ee hadda ka taagan iyo geedi socodka dimuqaraadiyada somaliland iyo doorashooyinkan “Waxaan marti qaad rasmi ah ka helnay guriga  Arrimaha siyaasada lagu falaqeeyo ee loo yaqaano Chatham House  ee ku yaala magaalada London oo inta badan lagu martiqaado siyaasiyiinta iyo madax-da dowladaha .”Ayuu yidhi Musharax Dr Cirro

Dr C/raxmaan Cirro oo  haddalkiisa sii wata ayaa  ka haddlay nuxurka iyo qodabada  ugu mihiimsan khudbada uu ka jeedin-doono xarunta Chatham HouseArrinta aan ka haddli doono ee ugu mihiimsani waa arrinta Somaliland iyo geedi socodka dimuqraadiyada Somaliland  gaar ahaan doorashooyinka  iyo abaaraha. “Ayuu yidhi Musharax Cirro.

 

Gunaanadkii Musharax Cirro ayaa haddalkiisa ku soo gunaanaday”Anniga wax shaqsi ah oo wey inay ii noqon ma qabo, lakiin magaca Somaliland  baan ku socdaa oo aan ku matelayaa , markaa Somaliland magac ayey u tahay in mid kamid ah caruurteedu uu ka qayb-galo, doodaha halkaasi “ Xarunta caalamiga ah ee Chatom Hose “lagu qabto, waxa lagaga haddlayaana ay Somaliland tahay iyo iibinteeda & qadiyadeed iyo taariikhdeeda , dad badan ayaa maqli doona Somaliland oo aan hore u maqal, waxay guud ahaan u tahay Somaliland magaca iyo maamuuse”Ayuu yidhi Musharax Cirro


Comments are closed.

Amas University

Faalooyin
Mashruucii Biyo Galinta Tog-Wajaale Halkuu Ku Danbeeyey Tolaw Hagrashadu Ma Wasaarada Biyahaa Mise Waa Xukuumada.    June 16, 2017
Mashruucii Biyo Galinta Tog-Wajaale Halkuu Ku Danbeeyey Tolaw Hagrashadu Ma Wasaarada Biyahaa Mise W
Qalalaasaha Diblomaasiyadeed ee Qatar iyo Carabta kale: Maxaad Kala Socotaa?    June 6, 2017
Shalay 5tii June, 2017 waxa dhacay dhacdo diblomaasiyadeed oo taariikhi ah, dalal badan ayaa xidhiid
Daawo: Mooshin Ka Dhan Kelmadda DHAQAN-CELIS    May 24, 2017
- Barnaamijka kulanka Gorfaynta oo ka baxa idaacadda Radio Maqal oo laga dhegayso Oslo iyo nawaaxige
Maxaynu Ka Baranay Sanadkan 18ka May /Qalinki suxufi madax banan cabdiraxmaan maxamed xidig    May 24, 2017
iyadoo shacbiga  reer somaliland ay ka midyihiin   bulshooyinka caalamka ee dhowaan la jaanqaaday
thumbnail_vvv Hambalyadii 18 May ee Itoobiya oo Jabuuti, Turkiga, Kenya ka aamuseen, oo dareenka shacabka Somaliland    May 20, 2017
Hargeysa- Jamhuuriyadda Dimoqraadiga Federaalka Itoobiya ayaa noqday dalka keliya ee ku soo hambalye
Somaliland 18 May 2012..Waa Malintii… Midigta Isqabsaday
Archives
June 2017
M T W T F S S
« May    
 1234
567891011
12131415161718
19202122232425
2627282930  
Site stats
  • Who's Online

    0 visitors online now