Murrashaxa Madaxweynaha KULMIYE iyo Wefti uu Hoggaaminayo oo si Ballaadhan loogu soo Dhaweeyey Galbeedka Gobolka Sool + sawiro

August 9, 2017 - Written by Maxamed Cabdillaahi Dubbe

Laascaanood (SLF )- Guddoomiyaha xisbul-xaakimka Somaliland ee KULMIYE, ahna Murrashaxa Madaxweynaha xisbiga Md. Muuse Biixi Cabdi iyo wefti ballaadhan oo uu hoggaaminayo oo socdal ku maraya gobollada bariga dalka, ayaa si ballaadhan loogu soo dhaweeyey deegaannada galbeedka gobolka Sool maanta.

Weftiga Guddoomiyaha oo ka kooban masuuliyiin sarsare ee KULMIYE, wasiirro ka tirsan xukuumadda, xildhibaanno, saraakiil iyo siyaasiyiin waawayn oo ka mid ah xisbiga, kuwaas oo ujeeddada socdaalkoodu la xidhiidho wacyigelinta qaadashada kaadhadhka codbixinta doorashooyinka Somaliland oo ka bilaabmaysa labada gobol ee Sool iyo Sanaag maalinta Sabtida, waxaanna deegamada degmada Oog, Guumays, degmada Yagoori, Tuullo samo-kaab iyo magaalada Laascaanood ay isku mareen si aan kala go’ lahayn soo dhawaymo aad u waawayn oo kala horyimaadeen shacabka ku dhaqan dhulkaasi.

Weftiga oo ka ambabaxay magaalada Caynabo ee xarunta Gobolka Saraar oo ay u hoydeen xalay, waxa dhammaan magaalooyinka u dhexeeya Caynaba ilaa Laascaanood ku qaabilay kumanaan dadweyne ah oo lulayey caleemo qoyan iyo astaanta xisbiga, kuwaas oo muujiyey sida ay ula dhacsan yihiin xisbiga, murrashixiisa madaxweyne iyo weliba waxqabadka ay dalka ka hirgelisay xukuumadda KULMIYE, waxaanna Guddoomiyaha iyo madaxda kale ee wehelinaysaa ay dadweynahan kala hadleen fagaarayaal kala duwan oo ay si weyn ugaga mahadceliyeen taageerada iyo gacaltooyada ay u muujiyeen.

Garaad Jaamac Garaad Ismaaciil oo ka mid ah isimada magaca weyn ku leh deegaannada Bariga dalka, ayaa si kal iyo laab ah guddoomiyaha iyo weftigiisa ugu soo dhaweeyey deegaanka Yagoori isagoo hormood u aha boqolaal ka mid ah dadweynaha deegaanka, waxaannu bogaadiyey dadaalka iyo murrashaxa iyo weftigisu ugu jiraan ku wecyigelinta bulshada ee qaadashada kaadhadhka codbixiyayaasha.

Sidoo kale, madaxdhaqameed, cuqaal, hormoodka qaybaha bulshada ee haweenka, siyaasiyiinta iyo dhallinyarada ee deegaamadaasi, ayaa iyaguna ku ammaanay Guddoomiyaha xisbiga KULMIYE iyo weftigiisa booqashada ay ugu yimaadeen, iyagoo ku dheeraaday waxqabadka muuqda ee xukuumadda KULMIYE ka hirgelisay deegaanadooda.

Wasiirrada Wasaaradaha Arrimaha Gudaha Md. Yaasiin Xaaji Maxamuud (Faratoon), Madaxtooyada Md. Maxamuud Xaashi Cabdi, Khayraadka Biyaha Md. Xuseen Cabdi Boos iyo masuuliyiin kale oo KULMIYE ah iyo wasiiru-dawlaha Beeraha Md. Cabdiwaaxid Cabdiqaadir Cabdiraxmaan oo deegaamo kala duwan kala hadlay dadweynaha, ayaa uga mahadnaqay sida diirran ee ay u soo dhaweeyeen weftiga Guddoomiyaha KULMIYE, waxaanay uga warramay ujeeddada socdaalkooda oo ay ku boorriyeen bulshada inay si buuxda u qaataan kaadhka codbixiyaha oo muhiimad wayn u leh muwaadinka iyo qarankaba.

Sidoo kale, shacabka ku dhaqan magaalada Laascaanood ee xarunta gobolka Sool, ayaa soo bandhigay isu soo bax ballaadhan oo aanay u kala hadhin ku qaabilay weftiga xisbiga KULMIYE, kuwaas oo kaga hortagay Guddoomiyaha iyo madaxda la socotay meel ka baxsan magaalada Laascaanood, waxaanay muujiyeen baaxadda taageerada ay u hayaan xisbiga.

Dadweynaha reer Laascaanood iyaga oo wata boqolaal gaadiid ah oo lulaya calamada xisbiga waxay murrashaxa iyo weftiga la socday u galbiyeen gudaha magaalada oo ay ku soo wareejiyeen dariiqyada gudaha Laascaanood.

Guddoomiyaha KULMIYE, ahna Murrashaxa Madaxweynaha xisbiga KULMIYE Md. Muuse Biixi Cabdi oo la hadlay dhammaanba bulshooyinka soo dhaweeyey ee ku dhaqan deegaannada hoos yimaada degmooyinka Oog, Yagoori, Adhi-caddeeye iyo Laascaanood, ayaa mahadnaq ballaadhan oo uu kaga dareen-celiyey sida milgaha iyo maamuuska leh ee ay usoo dhaweeyeen, isla markaana waxa uu ku dhiirrigeliyey shacabka inay u diyaargaroobaan oo qaataan kaadhadhkooda codbixinta doorashooyinka dalka.

1 2 3 4 5 6 7 8 9 10

Comments are closed.

Amas University

Faalooyin
20891354_10214158041289739_240530483_n HAMBALYO MEHER: Shiine Cilmi Kaahin iyo Deeqa Cabdilaahi Maxamed    August 15, 2017
HAMBALYO MEHER: Shiine Cilmi Kaahin iyo Deeqa Cabdilaahi Maxamed. Maamulka, Masuuliyiinta, Tifaft
Baro-bixinta ay ereyada qalaad ku hayaan Af-Soomaaliga (WQ: Yuusuf Cismaan Cabdille “Shaacir”)    August 9, 2017
Afafka adduunku waxay yeeshaan horumar, dib-u-dhac iyo geeri intaba. Af-Soomaaligu wuxu ku jiraa kuw
Hambalyo Meher Wacan    August 6, 2017
Xamse Maxamed Carten, Salaabeen Xuseen Cabdi, Sidiiq Cabdi Cismaan, Saleebaan Cabdi looliye, Saalax
Wankii La lumay Baraarka    August 5, 2017
Xooluhu waa aassaasska nolosha aadamaha, dhaqashada xooluhuna waa lafdhabarta nolosha aynu ku tiirsa
ILYAAS AYAAN Hambalyo Aroos Wacan Oo Ku Socota : Ilyaas Saxardiid Kaahin iyo Ayaan Xiis Maxamed Oo Aroooskoodu 30/07/2017 ka dhacay magaalada Slouth City ee Cariga Ingriiska    July 30, 2017
Suldaan Cabdirixiin Saxardiid Kaahin,Suldaan Mahad Maxamuud Xirsi,Suldaan Xiis Ismaaciil Abiib, Maxa
Somaliland 18 May 2012..Waa Malintii… Midigta Isqabsaday
Archives
August 2017
M T W T F S S
« Jul    
 123456
78910111213
14151617181920
21222324252627
28293031  
Site stats
  • Who's Online

    0 visitors online now