Mucaaradka iyo Taageerayaasha Madaxweynaha Masar oo isku Dhacay iyo dhimasho iyo dhawaac ka dhashay

December 7, 2012 - Written by Maxamed Cabdillaahi Dubbe

Mucaaradka iyo Taageerayaasha Madaxweynaha Masar oo isku Dhacay  iyo dhimasho iyo dhawaac ka dhashay

Hargeysa(Somalilandfuture)Taageerayaasha Mucaaradka dalka Masar oo dibad baxyo ay kaga soo horjeedaan dastuurka cusub ee uu dhawaan soo bandhigay madaxweynaha dalka Masar Dr. Maxamed Mursi iyo taageerayaasha madaxweynaha ee u badan kooxda Ikhwaanul Muslimiin ayaa dagaal qaraar oo gacanta la iskula tagay ku dhex maray dibada hore ee Qasriga Madaxtooyada dalkaas, halkaas oo khasaare dhimasho iyo dhaawacba leh uu ka dhashay.

Sida ay ku warantay wakaalada wararka dalka Masar ee Middle East ilaa afar ruux ayaa ku dhintay, halka in ka badan sadex boqol iyo konton qofna dhaawacyo kala duwani ka soo gaareen isku dhacyadaas iyo rasaas ciidamada ammaanku ku fureen dhinacyada rabshaduhu u dhexeeyeen.

Mid ka mid ah hawl wadeenada gaadiidka Gurmadka deg deg ah ee dalka Masar oo lagu magacaabo, Dr. Maxamed Suldaan ayaa wakaalada wararka bariga dhexe ee laga leeyahay dalka Masar u sheegay in uu isagu arkay ilaa sadex ruux oo rasaas lagu furay ku dhacday oo u geeriyooday, kuwaas oo la geeyay wakhti xaadirkana yaala Isbitaalka Hilobolisi lagu magacaabo.

Maxamed Suldaan ayaa sidoo kale u sheegay wakaalada in sadexdaa qof magacyadoodu kala ahaayeen, Maxamuud Maxamed Ibraahin, Maxamed Khalaf iyo Maxamed Mamduux Axmed, halka uu xaqiijiyay in tirada dhaawaca gaaray sadex boqol afartan iyo lix qof.

Sidoo kale warar laga helayo goobaha caafimaadka ayaa xaqiijiyay in uu jiro qof afraad oo isaga laftiisu u dhintay dhaawac ka soo gaaray rabshadadaha, waxaanay dadka goob jooga ahi sheegayaan in goobtaasi isku badashay meel dagaal oo xaaladu faraha ka baxday.

Sida goob joogayaashu u sheegeen wakaaladaha wararka waxa tirada khasaaraha sii kordhiyay qaar ka mid ah gaadiidka ciidamada ammaanka oo goobta yimid, kuwaas oo qiiqa dadka kaga ilmaysiiya ku furay mudaharaadayaasha labada dhinac si ay u kala dareeriyaan.

wariye siciid xuseen 

Leave a Reply

You must be logged in to post a comment.

Amas University

Faalooyin
Maanso Cusub: Xumaan Ka Nasahan Nabigu.    February 23, 2015
By Abwaan Siciid Mohamed Salaad Waxa dhawaanahan caalamka siiba dunida reer galbeedka ka socday a
GetAttachment.aspx Daraasad: Haweenku waxay sirta hayn karaan 38 saacadood oo Keliya‏    February 19, 2015
Daraasad dhanka cilmiga bulshada  ah oo Maraykanku sameeyeen ayaa muujisay in haweenku hayn karaan
Meher MEHER WACAN: YUUSUF MAXAMED AXMED IYO ASMA DAUUD XAASHI    February 19, 2015
Maxamed Cabdi Bade( xisaabiyaha guud ee qaranka ), Ayaanle Salaad Diiriye(safiirka s.land ee Ethiop
Ra.yi: Somaliland Today: Wargeys Seeftii Cunsirnimadda Ku Jeediyey Masuuliyiinta Qaranka.    February 15, 2015
(SLF)- Wargeyska Somaliland Today oo si qaawan u weeraray Guddoomiyaha Baanka Dhexe ee Somaliland Md
GetAttachment.aspx Hambalyo Meher‏    February 12, 2015
Hanbalyo Idiris Sh.Axmed Sh.Nuux Fure C.raxmaan sh.Axmed .Sh.Nuux Fure Khadar Sh.Axmed Sh
Somaliland 18 May 2012..Waa Malintii… Midigta Isqabsaday
Archives
February 2015
M T W T F S S
« Jan    
 1
2345678
9101112131415
16171819202122
232425262728  
Site stats
  • Who's Online

    0 visitors online now