Madaxweynaha Somaliland Oo Kulan La Qaatay Qaarka Mid Ah Xubanah Golaha Wasiiradda Somaliland Oo Muddooyinkii U Danbeeyey Hawlsho Shaqo U Jooga Imaaraadka Iyo Sucuudiga

July 1, 2017 - Written by Maxamed Cabdillaahi Dubbe

Dubai- (SLF)- Madaxweynaha Jamhuuriyadda Somaliland, Mudane. Axmed Maxamed Silaanyo oo ku guda jira safarkiisi nasashada ahaa ee uu ku joogay Imaaraadka Carabta ayaa maanta oo ay taariikhdu tahay 01.07.2017 kulan muhiima la yeeshay xubno ka mida golaha wasiirada oo iyagu u joogay halkaasi hawlo shaqo oo la xidhiidha arrimihii ay Somaliland iyo imaaraadku hore uga wada shaqayn jireen iyo arrimaha dhoofka xoolaha oo uu wasiirka waaaradda xanaanada xooluhu in muddo ahba halkaasi u joogay.

 

Kulankaasi oo ka qabsoomay hotelka uu madaxweynuhu ka degan yahay Dubai ayaa waxa warbiximo kala duwan ka soo jeediyey wasiiro dhawra oo iyagu halkaasi u joogay dardar gelinta iyo ka midho dhalinta arrimahaasi, waxaana markii kulankaasi dhamaaday saxaafadda la hadlay wasiirka wasaaradda xanaanada xoolaha Somaliland, Md Cabdilaahi Maxamed Daahir (Cukuse) oo ka hadlay ujeedada kulankaas, madaxweynaha warbixin mug iyo miisaan leh ka siiyey halka ay wax u marayaan marka laga hadlayo arrimaha dhoofka xoolaha nool ee Somaliland u dhoofin jiray Sucuudiga, waxaanu yidhi “ujeedada ugu weyn ee kulankan ay wasiiradu madaxweynaha ugu yimaadeen waxa weeyi laba arrimood uun, midi waa salaan guud oo ay madaxweynaha iyo marwada koowaad ee Qaranka ugu yimaadeen xubnaha golaha wasiirada ka tirsani madaama oo uu madaxweynuhu ku jiro fasax la xidhiidha fasaxyadii madaxweynuhu ugu bixi jiray dibeda ee uu xaqa u lahaa iyo mida kale oo ah hawlihii aynu awalba la wadnay dawladda imaaraadka carabta iyo laameheeda kale oo ahayd meesha keliya ee ilaa hadda ugu wanaagsan ee inoo nuglaatay ee aynu dunidii ka galnay ee aynu xidhiidhka la yeelanay. Labada ujeedo ee muhiimka ahaydna qoladii ka soo noqotay sucuudi Arabiya ee wasiirada ah, xubno ka yimid hargeysa oo iyaguna wasiiro ah iyo xubnaha madaxweynaha wehelinayey oo hadda halkan ku sugnaa.

 

Kulankani waxa uu ahaa mid is xogwaraysi ah madaxweynahana aanu warbixin ku siinay halka ay hawluhu noo marayeen ka wasiiro ahaan intii aanu ku gudo jirnay hawlahaasi, warbiximahaasi oo ay madaxweynaha u jeediyeen xubnaha golaha wasiirada ee ay hoggaaminayaan, wasiirka madaxtooyada, Md. Maxamuud Xaashi Cabdi, wasiirka arrimaha dibeda, Dr Sacad Cali Shire, wasiirka maaliyada Marwo Samsam Cabdi Aadan, wasiirka qorshaynta iyo horumarinta qaranka, md Maxamed Ibraahim Aadan (Qabo), wasiirka duulista hawada, Md Farxaan Axmed Haybe, dhamaan wasiiradaasi oo madaxweynaha ugu yimid hotelka uu degan yahay waxa aanu dhamaantayo shacbiga mar kale ugu hambalyeynaynaa ciidal fidrigii ina dhaaftay iyo shuwaalkaba ilaahayna khayrkeeda ha ina siiyo. Ummadda reer Somalilandna waxa aanu kula dardaarmaynaa in ay noqdaan kuwo samaha ku taliya carabkoodana kaga hadla waxa san, duruufta dhaqaale ee maanta dalku ku jirana waxa aynu kaga bixi karno ayey ka mid tahay dhaqdhaqaaqyada aanu u joogno halkan, maaha iska joogis xubnaha wasiiradu ay halkan iska joogaan ee waxa aanu ka shaqaynaynaa dhamaanteen in aynu ka baxno duruufta ka dhalatay xoolihii la joojiyey ee istaagay iyo dhaqdhaqaaqii ganacsiga oo koobmay taasina ay keentay in shilinkii Somalilandna qiimihiisi isbedel ku yimaado, ilaahay waxa aynu ka baryeynaa inuu marxaladaa inaga saaro, waxaanan ku jaro weynahay oo aanu ka shaqaynaynaa in xooleheeni xajka loo diro warbixinta iyo waxa aanu dawladahan isnidhi safarka dhamaadkiisa ayaanu ummadda u soo bandhigaynaa”.

 

Ugu danbayntiina waxa uu Madaxweynaha qaranku dhankiisa uga mahadceliyay hawsha ay qaranka u hayaan iyo dedaalada ay ka sameeyeen hawlihii uu u igmaday una joogeen imaaraaadka iyo sucuudiga, waxaanu ku dhiirigaliyay xubnaha wasiirada ah inay dedaalka halkaa kasii wadaan kana midho dhaliyaan. Sidoo kale waxa kulankaasi goobjoog ka ahaa xoghayaha gaarka ah ee Madaxweynaha JSL, Md Cali Axmed Cali Iyo La-taliyaha Madaxweynaha ee Arrimaha Saxaafadda Md Khadar Cali Gaas.

 

 

Xafiiska Afhayeenka iyo Warbaahinta Madaxtooyada JSL

 

Comments are closed.

Amas University

Faalooyin
old man Indhihii Hibashada iyo Xusuusta La Ilmeeyey.    July 23, 2017
Maanta oo Axad ah ayaanu kulanay nin Oday ah oo aanu kawada tirsan nahay bahda shaqaalaha caafimaadk
BBC Soomaali Faallo: Si fiican ayay BBC-du Hargeysa ugu xustay lixdan-guuradeeda. Laakiin ma beddeli doontaa sida ay ula dhaqanto Somaliland?    July 20, 2017
Waxa Salaasadii Hargeysa lagu soo gunaanaday dabaaldeg Idaacadda iyo Telefishanka BBC-da ka socday m
DEG-DAG:- Ciidamada Booliska oo Jeelasha Ku Guray Saraakiil iyo Taageerayaal Ka Tirsan WADDANI+ Soo Dhaweyntii Weftiga Muuse Biixi ee Deegaanada Berbera oo Dadka Lagu Qasbaayey    July 18, 2017
Berbera- (SLF):-Ciidamada Booliska ee goballadaTogdheer iyo Saaxil, ayaa xalay illaa saaka xabsiga u
ahm aroos  1 HAMBALYO AROOS: Ahmed-daahir Maxamud Aw Faarax Iyo Fadxiya Xaaji Maxamed + SAWIRRO    July 17, 2017
Hargeysa— Aabo Maxamud Aw Faarax, Hooyo Faadumo Ibraahin Guled, Aamina Maxamud Aw Faarax, Cabdi Ma
1 Dad aan codba hayn yay ku durbaan tumin    July 17, 2017
Waxaynu aragnaa oo aynu tv yada ka dawanaa ragii dadka boobay oo leh beeshii waatan oo waxay u diyaa
Somaliland 18 May 2012..Waa Malintii… Midigta Isqabsaday
Archives
July 2017
M T W T F S S
« Jun    
 12
3456789
10111213141516
17181920212223
24252627282930
31  
Site stats
  • Who's Online

    1 visitors online now