Madaxweynaha Jamhuuriyadda Somaliland, Mudane. Axmed Maxamed Silaanyo, waxa uu maanta Kormeer, dhagax dhig iyo Furitaan ka fuliyey Cusbitaalka guud ee Caasimada Hargeysa + sawiro

March 18, 2017 - Written by Maxamed Cabdillaahi Dubbe

Hargeysa(SLF)- Madaxweynaha Qaranka Jamhuuriyadda Somaliland, Mudane. Axmed Maxamed Silaanyo, waxa uu socod lug ah ku tegay cusbitaalka guud ee hargeysa isagoo kormeeray xaruntii hore ee gurmadka degdega ah lagu dawayn jiray, waxaana halkaasi warbixin ka siiyey agaasimaha cusbitalka Dr Askar oo sheegay in xaruntan la dhisay 1953kii, tahayna meel qadiimi ah balse ay uga wareegeen xaruntan cusub ee uu maanta madaxweynuhu furay.

Sidoo kale madaxweynuhu waxa uu dhagax dhigay xarun cusub oo loo dhisi doono hooyada iyo dhalaanka, waxaana maalgelinteeda qayb libaax ka qaadatay Wasiirka Maaliyada Marwo Samsam Cabdi Aadan oo iyagu amaan aan la qiyaasi Karin ku mutaysatay dhiirigelinta iyo taakulaynta cusbitaalka guud ee hargeysa, waxaana sidaasi sheegay wasiirka Caafimaadka Dr Xaglatoosiye oo wasiirada madaxweynaha hortiisa aad uga amaanay tiriyeyna talaabooyinka waxtarka ah ee ay ka fulisay gargaarka iyo dayactirka loogu jiro balaadhinta cusbitaalka guud.

Madaxweynuhu waxa uu xadhiga ka jaray xarun cusub oo loogu talogalay inay noqoto qaybta gurmadka degdega ah ee cusbitaalka guud yeelan doono taasi oo qaadi doonta 50 qof markiiba una qaybsan laba qaybood oo kala ah haweenka iyo raga, madaxweynaha oo xadhig ka jarista ka dib kormeeray ayaa u mahadnaqay cid kasta oo qayb ka qaadatay dhismahan balaadhan ee aadka loo qurxiyey.

Waxaana xaflada furitaanka ka hadlay Agaasimaha guud ee Cusbitaalka, Wasiirka Maaliyada, Wasiirka Caafimaadka, Maayarka Caasimada Hargeysa iyo masuuliyiin kala duwan oo dhamaantood iska daba maray faa’iidada uu yeelan doonto xaruntani cusubi. Waxaana xusid mudan in maayarka caasimada Hargeysa oo  hore 50,000 oo doolar ugu deeqay qaybtaasi dhamaatay uu maanta qaybta labaad ee madaxweynuhu u dhagax dhigay hooyada iyo dhalaanka uu ugu deeqay lacag dhan 20,000 oo Doolarka maraykanka ah.

Ugu danbayn Wasiirka Maaliyada Marwo Samsam Cabdi Aadan ayaa laba gaadhi oo nooca Ambulance -ka loo yaqaano ku wareejisay xaruntaasi cusub iyadoo xustay in aan meel kale loo isticmaalin balse ay ka hawlgalaan looguna gurmado xaaladaha degdega ah ee caasimada iyo nawaaxigeeda ka soo kordha, iyadoo furayaasha labadaasi gaadhi gacanta ka gelisay Madaxweynaha qaranka isna uu ku wareejiyey Wasiirka Caafimaadka, Wasiirkuna uu ku sii wareejiyey Agaasimaha Cusbitalka, Madaxweynuhu waxa uu sidoo kale shahaado sharafyo gudoonsiiyey masuuliyiin ay maamulka cusbitaalku ku sharfeen sidii ay ula shaqeeyeen intii ay ku guda jireen dhismayaashaasi, isagoo madaxweynuhu halkaasi ka jeediyey khudbad uu ugu mahadnaqay maamulka cusbitalka iyo cid kasta oo gacan ka geysatay, waaanu madaxweynuhu xusay ahmiyada ay qaran u leedahay labaadhinta iyo dayactirka cusbitaalka guud ee dalku, isagoo madaxweynuhu gacan muuqata ku leh guud ahaan tayeynta iyo dhismayaasha cusbitaalada dalka ayuu hadana awooda saaray in cusbitaalka guud ee caasimadu noqdo mid ka kora halkii uu kaga tegay Ingiriisku wakhtigii uu xukumi jiray Somaliland. ka dibna madaxweynuhu waxa uu ku soo laabtay qasriga Madaxtooyada Somaliland.

DSC_0000 DSC_0001 DSC_0002 DSC_0003 DSC_0004 DSC_0019 DSC_0029 DSC_0036 DSC_0056

Comments are closed.

Amas University

Faalooyin
thumbnail_cabdi caydiid QAYLO-DHAANTA CABDILLAHI JAWAAN – SAX MISE KHALAD? (W/Q: C/RAXMAN CAYDIID)    April 13, 2017
Marka Hore Mahad Oo Dhami Eebe Ayay U Sugnaatay, Nabadgelyo Iyo Naxariisina Suubanaheena Muxammad. M
thumbnail_17309779_425862594415240_4872512848930050901_n Fashilka wasaarada warfaafinta ee ku aadan doodaha lagu wiiqayo jiritaanka somaliland ee kaga imanaya tv yada iyo idaacadaha    April 12, 2017
Fashilka wasaarada warfaafinta ee ku aadan doodaha lagu wiiqayo jiritaanka somaliland ee kaga iman
thumbnail_Dr-Mohaamed-Abdilahi MAQAAL: Dawladda Iyo Nolosha –Qaybtii Koowaad. W/Q: Dr-Mohamed Abdilahi .    April 11, 2017
Q1aad : Falsafadda dawladnimo : ..................................................... Dawladnimoda i
thumbnail_mahad Hargaysa, Caasimad la hagraday (W/Q: Mahad Muxumed C/salaam)    April 6, 2017
Caasimada Hargaysa ee Jamhuuriyada Somaliland waxay baarka ka jartay 25 sanno hase yeeshee isbedel l
thumbnail_abdirashid guledi ahmed Ka-Faaiidaysiga Biyaha Roobka iyo Xakamaynta Gaajada W/Q: Abdirashid Ahmed Guleid.    March 28, 2017
Somaliland, marka la eego xaalada ay hadda ku jirto, waxa lagu tiriyaa wadamada ugu dib-dhacsan mark
Somaliland 18 May 2012..Waa Malintii… Midigta Isqabsaday
Archives
April 2017
M T W T F S S
« Mar    
 12
3456789
10111213141516
17181920212223
24252627282930
Site stats
  • Who's Online

    5 visitors online now