Madaxa Xafiiska Samafalka Ee Madaxtooyada Aamina Maxamed Diiriye Oo CID Looga Yeedhay.

March 11, 2012 - Written by Cabdixakiim

Madaxa Xafiiska Samafalka Ee Madaxtooyada Aamina Maxamed Diiriye ayaa maanta looga yeedhay xafiiska CID sida ay sheegayaan warar lagu kalsoon yahay oo soo gaadhay Somalilandfuture Online.

Inkastoo aan la ogayn waxa la waydiiyey oo baadhitaan socdo, weliba aanay haboonayn in laga hor dhaco, haddana waxa uu salka ku hayaa ayay leeyihiin wararka qaarkood, raashinkii la lunsaday ee masuuliyiintii hore ee xukuumada ee xidh xidhan lagu eedaynayo.

Wararku waxa ay sheegayaan in hantida la lunsaday ay aad u badnayd raadkeeduna galay meelo badan, waxaase illaa hadda aan la garanayn yeedhista Aamina Maxamed Diiriye oo dad badani u fasirteen in ay tahay eedaysane ama qof lagu tuhunsan yahay,   lunsashada raashinkaas iyo in ay tahay markhaati ku oogaya dacwada qaybteeda masuuliyiintii hore ee la xidh xidhay, si looga fogeeyo madaxtooyada eedahaas iyo magaca madaxtooyada ee dhex ordaya lunsashada hantida dan yarta, labadaas ayaa la is waydiinayaa oo dadweynuhu aad u hadal hayaa, midka uu noqon doonto yeedhistani.

Waxaase muhiim ah ayay leeyihiin CID warar ku dhaw dhaw oo aanu ka helay illo lagu kalsoon yahay, in la is waafajiyo warqada la sheegayo in ay qortay ee lagaga soo daayey raashinka Dekede Berbera, warqadaas oo ay qaybinta raashinka ugu xilsaartay Gobolka Maroodi jeex Badhasaabkii hore ee xilka laga qaaday Axmed Cumra Xaaji cabdillaahi ( Xamarji).

Sidoo kale waxaa iyana u baahan in la is waafajiyo sifaha baadhitaan ee CID warqada Madaxweyne ku xigeenku qoray ee sheegaysa in uu dabagalka iyo sugida xoolaha la lunsaday uu ugu xilsaaray masuuliyiinta xidhan qaarkood, si xoolahaas loo badbaadiyo.

Labadan waraaqood oo mid tahay mida xoolaha ku soo dhex tuurtay magaalooyinka ee keentay boobka, ujeedada laga lahaana ay soo bixi doonto baadhitaanka dabadii, midna ahayd dabagal iyo badbaadin raashinka mucaawinada ah, soona baxday markii la boobayey raashinka, kana soo baxday xafiiska madaxweyne ku xigeenka, ayaa u baahan in jawaabo waafiya ay ka bixiso Aamina Maxamed Diiriye iyo cid kasta oo loo baahdo in ay ka jawaabaan eedahan ayaa laga sheegaya in CID leedahay.

Waxaase muuqata in Musuqu baahay, loona baahan yahay in si qoto dheer loo dabagalo, waxaase loo baahan yahay in aanu ruux eedaysane ahi, noqon markhaati oo galaafan qof kale, sidoo kale waa in arrimaha baadhitaanka CID ka fogaadaan in ay dabada ka riixayaan qorshayaal siyaasadeed ee magac dil gaar ah, waa in uu baadhitaankani yahay mid ah, la dagaalanka musuqa oo qudha.

Cabdixakiim Yuusuf Cali

Somalilandfuture Online

Leave a Reply

You must be logged in to post a comment.

Amas University

Faalooyin
thumbnail_food “ Qofku Haduu Xoolo Umadeed Barto Wuu Soo Haliilaa,Waxaanu Garanaynaa Qolooyin Waddani Galay oo Ku Calaacala Waan ku Degdegay Inaan Xirsi Raaco Waayo Laygama jareen 2500$ “ Siyaasi Jamaal Food    February 25, 2017
Hargaysa( )Jamaal Cabdiraxmaan Axmed(FOOD) oo ka tirsan Xisbiga Mucaaridka Ah ee Ucid Ayaa ka Hadlay
Siyaasigu waa ka arka kaaha ka ifaya hogga    February 24, 2017
Siyaasadda Togani waxay qayb ka tahay farshaxanka yoolka qorshaha nidaamka maamulka dowladdnimo, wax
Heersare iyo Dr. Aadan Dharaarihii UFFO Iyo Dr. Aadan Yuusuf Abbokor. Qore: Cabdishakuur Xaaji Muxumed (Heersare)    February 20, 2017
Sannad kasta maanta oo kale 20ka bisha Feebarweri waxa Somaliland looga dabbaaldegaa xuska maalin
Milicsiga saldhigyada milatari ee caalamka iyo casharrada ay Somaliland ka baran karto? (WQ: Sacad Muuse Cumar “Sacad-Makaawi”)    February 19, 2017
Marka hore haddii aynu si kooban u qeexno saldhig militari (military base) waxa weeyi “in uu wadda
Saldhigan millateri Somaliland wuxu ka dhigi doonaa goob dunidu ku tartanto By Axmed Cabdi Ducaale    February 13, 2017
Waxan soo dhawaynayaaa dalabka Dawladda imaaraadku usoo gudbisay xukuumadda Somaliland kaasi oo ah
Somaliland 18 May 2012..Waa Malintii… Midigta Isqabsaday
Archives
February 2017
M T W T F S S
« Jan    
 12345
6789101112
13141516171819
20212223242526
2728  
Site stats
  • Who's Online

    0 visitors online now