“Maanta Gobolka Sool Dhammaantii Waa Guri Nabadeed Oo Kala Dambayn Iyo Nidaam Leh, Taleex, Xudun Ilaa Xuduudkaa Aynnu Maanta Joogno Ee Dharkayn-geenyo, Saax-dheer Ilaa Boocame.” Wasiirka Madaxtooyada JSL + sawiro.

August 11, 2017 - Written by Maxamed Cabdillaahi Dubbe

Dharkayn-geenyo- (SLF)- Wasiirka Madaxtooyadda Jamhuuriyadda Somaliland Mudane Maxamuud Xaashi Cabdi oo ka mid ahaa wefti ballaadhan oo uu hoggaaminayo Murrashaxa xisbiga KULMIYE Muuuse Biixi Cabdi oo ku sugan gobolka Sool ayaa maanta si ballaadhan loogu qaabinay deegaamada Kalabaydh iyo Dharkayn-geenyo oo ku yaala koonfurka gobolkaasi.

 

Wasiirka Madaxtooyadda Mudane Maxamuud Xaashi oo ka mid ahaa madaxdii la hadlay odayaasha iyo waxgaradka dadweynaha deegaanka Dharkayn-geenyo, ayaa ka waramay ujeedada socdaalkooda waxaanu yidhi  “ Dadweynaha degmada Dharkayn-geenyo, cuqaal, odayaal, waxgarad iyo intayada martida ah dhamaantiinba Aslaamu calaykum. Ujeedada socdaalkayagu saaka waxay dabada ku haysaa wacyigalinta qaadashada kaadhka cod-bixinta, waxaannu maanta idiinku nimid in aannu idinku wacyigalino in kaadhka la qaaato, do’raatana waxaannu idiinku nimid inaaad walaalowdaan, colaada iyo dhibaatada dhexdiina taala iyo is dhiig-talaalkana aad joojisaan.”

 

“Kaadhka codbixintu muhiim ayuu yahay inaad qaadataan, wuxuu saameyn ku leeyahay noloshiina, wuxuu saameyn ku leeyahay siyaasada iyo saami-qaybsiga, wuxuu saameyn ku leeyahay horumarka aad ka hadlaysaan, qarankani waa qaran dhismaya, waxa aynnu noqon doonaa ILAAHAY idamkii qaran weyn oo horumar ku talaabsada.”

 

Mudane Maxamuud Xaashi Cabdi ayaa sidoo kalena ka hadlay dadaalka ay XUkuumadda KULMIEY galisay nabadaynta Koonfurta Soolw axaanu yidhi “ Mar labaad waxaan ku bogaadinayaa waayeelka sidii ay nabaddaynta colaadii mudada dheer jirtay ee dhibaatada keentay ee khasaaraha badan keentay noogala shaqeeyeen, Xukuumadda xisbiga KULMIYE ee Madaxweyne Axmed Siilaanyo gadhwadeenka ka yahay waxba kalamaanu hadhin, naf iyo maalba waanu idin dul-dhignay, waanu ka damqanay, waanu idiin sii gurmanay, waanu idin kala celinay, waanu isugukiin faalinaynaa idiin kala faalin mayno, idin kala qaybin mayno, qoys walaalo ah ayaad tihiin, maanta isbedelka nabaddii ay keentay waataa, waydinkaa is dhex-fadhiya, shalayna ismaydaan arki karayn, waydinkii ku kala qaxay halkan, colaada iyo nabadduna intaas ayey isu jiraan, abaar ayaa inoo raacday, maanta abaartiina inkasta oo  aanay dhulka xoolo nooga muuqan hadana sidii dhulka iyo dadkuba waa dhaamaa waana sad ILAAHAY, wixii taakulo abaaraha waxba lamaanu hadhayn wixii aanu idinku biirin karaynay.”

 

Mudane Xaashi ayaa waxa uu sheegay in Xukuumadda Madaxweyne Siilaanyo ay xaqiijaisay guud ahaa nabadda iyo horumarka gobolkaasi waxaannu yidhi “ Maanta gobolka Sool dhammaantii waa guri  nabadeed, waa guri maamul ka jiro oo kala dambayn iyo nidaam leh, min Taleex ilaa xudun ilaa xuduudkaa aynnu maanta joogno Saax-dheer iyo Boocame, maamul iyo dawladnimo ayaa ka jirta, waxa ay naga ahayd siyaasad, aragti iyo hiigsi, waanu ku bogaadinaynaa bulshadii nagu soo dhawaysay, nagu taageertay ee nagu garab-gashay, annaguna waxaannu u jeednay in aannu gobolkan soo gaadhsiino gobollada kale ee dalka, horumar weyn oo ballaadhan ayaannu ka qabanay, wuxuu yidhi Caaqilku buugaagta ayaa laydin baadhayaa, waxaan leeyahay waannu ogolnahee ha naloo baadho, laakiin hadii hada naloo baadhayo waxaan leeyahay oo aan hore nagloogu baadhin waxaan is leeyahay malaa halkaas cadaallad darro ayaa ku jirta, gobonimada iyo garashada waannu idinku naqiinay, saakana rag wax kala qoraynaya ma nihin, gobolka Sool KULMIYE horumar ayuu ka hirgaliyey.”

 

Wasiirka Madaxtooyada ayaa geesta kalena ka hadlay mashaariic ay maanta ka dhagax dhigeen degmadaasi waxaannu yidhi “ Waxaannu saaka dhagax-dhigaynaa saldhigii booliska, iyo xaruntii dawladda hoose, dhakhsano waa loo bilaabi doonaa, Ceelkii riiga ahaa ee aanu hore waayeelka ugu balan qaadnay, wasaarada biyaha ayaa wada oo qorshaysay, ceelasha ugu horeeya ee Somaliland laga hirgaliyo ayuu ku jiraa, waa ceel dheer afar boqol oo mitir ayaa la qordi doonaa, biyana waynu ku heli doonaa INSHA ALLAH.”.

1 2 3 4 5 6 7 8 9

 

Comments are closed.

Amas University

Faalooyin
20891354_10214158041289739_240530483_n HAMBALYO MEHER: Shiine Cilmi Kaahin iyo Deeqa Cabdilaahi Maxamed    August 15, 2017
HAMBALYO MEHER: Shiine Cilmi Kaahin iyo Deeqa Cabdilaahi Maxamed. Maamulka, Masuuliyiinta, Tifaft
Baro-bixinta ay ereyada qalaad ku hayaan Af-Soomaaliga (WQ: Yuusuf Cismaan Cabdille “Shaacir”)    August 9, 2017
Afafka adduunku waxay yeeshaan horumar, dib-u-dhac iyo geeri intaba. Af-Soomaaligu wuxu ku jiraa kuw
Hambalyo Meher Wacan    August 6, 2017
Xamse Maxamed Carten, Salaabeen Xuseen Cabdi, Sidiiq Cabdi Cismaan, Saleebaan Cabdi looliye, Saalax
Wankii La lumay Baraarka    August 5, 2017
Xooluhu waa aassaasska nolosha aadamaha, dhaqashada xooluhuna waa lafdhabarta nolosha aynu ku tiirsa
ILYAAS AYAAN Hambalyo Aroos Wacan Oo Ku Socota : Ilyaas Saxardiid Kaahin iyo Ayaan Xiis Maxamed Oo Aroooskoodu 30/07/2017 ka dhacay magaalada Slouth City ee Cariga Ingriiska    July 30, 2017
Suldaan Cabdirixiin Saxardiid Kaahin,Suldaan Mahad Maxamuud Xirsi,Suldaan Xiis Ismaaciil Abiib, Maxa
Somaliland 18 May 2012..Waa Malintii… Midigta Isqabsaday
Archives
August 2017
M T W T F S S
« Jul    
 123456
78910111213
14151617181920
21222324252627
28293031  
Site stats
  • Who's Online

    0 visitors online now