London: Gabadh Muslimad ah oo Shaqada Lagaga Eryey Markii ay Diiday Inay Niqaam Iska Bixiso

March 21, 2012 - Written by Maxamed Cabdillaahi Dubbe

Haweenay muslimad ah, ayaa laga mamnuucay inay u adeegto garsoorka Ingiriiska, kadib markii ay diiday inay iska bixiso niqaab iyo xijaab ay xidhnayd waqti lagu guda jiray dhegaysi dacwadeed, lana dhaarinayey dadka kiiskaasi khusaynayey.

Qaadiga dacwaddaas qaadayey oo ay u shaqayn jirtay haweenaydaasi, ayaa sheegay inuu ka shakiyey inay hawlgal damacsan tahay, kadib markay wejigeeda ku qarisay niqaabka, kana dhego adaygtay inay iska bixiso inta dacwadda lagu jiro.

Haweenaydan muslimka ah ee niqaamka shaqadeeda ku wayday waxay dhaarin jirtay dadka kiisaska ka galaya Maxkamadda Crown ee magaalada London, waxaannu xaakimku ka codsaday inay wejigeeda ka qaado niqaamka si loo arko, balse way ka diiday arrintaas, sidaas ayaan shaqada lagaga caydhiyey.

Garsoore Aidan Marron QC, ayaa sheeegay in aan dadka loo oggolayn inay wejiyadooda qariyaan xilliyada lagu jiro maxkamadda, waxaannu tilmaamay markii gabadhaasi diiday inay bannayso wejigeeda in laga eryey shaqadii oo lagu beddelay haweenay kaloo u dhalatay waddanka Ingiriiska.

“Waan ka yaabay gabadha niqaamka soo xidhatay. Ma waxaad doorbiday inaanad iska saarin xijaabka iyo niqaabka kiiskan oo keliya?” ayuu weydiiyey qaadigu.

Intaa kadibna, waxay ugu jawaabtay “Haa,”, isagaoo ku celiyey garsoore Marron; “Waxaan gebi ahaanba fahmay inay kiiskan oo keliya arrintu khusayso, waxaanan go’aansaday inaan xilka kaa qaado, waxaanan rajaynayaa inaad fahantay.”

Dhacdada noocan ah ayaa noqonaysa tii ugu horreysay nooceeda ah ee ka dhacda waddanka Britain, waxaannu Guddoomiyaha Guddida Xuquuqal-insaanka Islaamka ee dalkaas Mr. Massoud Shadjareh ku tilmaamay arrintan inay tahay wax aan la aqbali karin.

“Tani gebi ahaanba waa wax aan la aqbali karin, dhab ahaantiina maan fahmin sababta lebbisku saamayn ugu lahaa garsooraha. Go’aanka iyo qof kastoo dacwadda ku jiray arrintani lamay xidhiidhin. Waa wax aan macne samaynayn inaad qof ku erido sida uu u labisan yahay,” ayuu yidhi Mr. Massoud.

Dawladda Ingiriiska, ayaa ka soo saartay dariiqooyin gaar ah in xijaabka iyo niqaamka dadka lagu dhaarin karo, inkasta oo garsoorayaasha sare qaar sal uga dhigaan inaan niqaam lala soo geli karin.

wariye ibraahin khadar

Comments are closed.

Amas University

Faalooyin
thumbnail_food “ Qofku Haduu Xoolo Umadeed Barto Wuu Soo Haliilaa,Waxaanu Garanaynaa Qolooyin Waddani Galay oo Ku Calaacala Waan ku Degdegay Inaan Xirsi Raaco Waayo Laygama jareen 2500$ “ Siyaasi Jamaal Food    February 25, 2017
Hargaysa( )Jamaal Cabdiraxmaan Axmed(FOOD) oo ka tirsan Xisbiga Mucaaridka Ah ee Ucid Ayaa ka Hadlay
Siyaasigu waa ka arka kaaha ka ifaya hogga    February 24, 2017
Siyaasadda Togani waxay qayb ka tahay farshaxanka yoolka qorshaha nidaamka maamulka dowladdnimo, wax
Heersare iyo Dr. Aadan Dharaarihii UFFO Iyo Dr. Aadan Yuusuf Abbokor. Qore: Cabdishakuur Xaaji Muxumed (Heersare)    February 20, 2017
Sannad kasta maanta oo kale 20ka bisha Feebarweri waxa Somaliland looga dabbaaldegaa xuska maalin
Milicsiga saldhigyada milatari ee caalamka iyo casharrada ay Somaliland ka baran karto? (WQ: Sacad Muuse Cumar “Sacad-Makaawi”)    February 19, 2017
Marka hore haddii aynu si kooban u qeexno saldhig militari (military base) waxa weeyi “in uu wadda
Saldhigan millateri Somaliland wuxu ka dhigi doonaa goob dunidu ku tartanto By Axmed Cabdi Ducaale    February 13, 2017
Waxan soo dhawaynayaaa dalabka Dawladda imaaraadku usoo gudbisay xukuumadda Somaliland kaasi oo ah
Somaliland 18 May 2012..Waa Malintii… Midigta Isqabsaday
Archives
February 2017
M T W T F S S
« Jan    
 12345
6789101112
13141516171819
20212223242526
2728  
Site stats
  • Who's Online

    0 visitors online now