Guddoomiyaha KULMIYE iyo Weftigiisa oo Kulamo la Qaatay Safiirka Jarmalka ee Nairobi iyo Hay’ado kala Duwan

March 15, 2017 - Written by Maxamed Cabdillaahi Dubbe

Nairobi (SLF )- Guddoomiyaha xisbal-xaakimka haya talada Somaliland ee KULMIYE, ahna murrashaxa jagada Madaxweynaha ee xisbiga Md. Muuse Biixi Cabdi iyo weftigii uu hoggaaminayey ee socdaalka shaqo u joogay dalka Kenya, ayaa maanta kulamo kala duwan la qaatay Safiirka dawladda Jarmalka iyo madaxda hay’ado caalami ah iyo kuwa Qaramada Midoobay ee fadhigoodu yahay magaalada Nairobi maanta.

Safiirka dawladda Jarmalka u qaabilsan dalalka Kenya, Somaliland iyo Soomaaliya Amb. Jutta Frasch, ayaa shir ballaadhan kula yeelatay xafiiskeeda Nairobi Guddoomiye Muuse Biixi iyo masuuliyiinta wehelinaya, waxaanay kaga wadahadleen arrimo kala duwan oo ku wajahan Somaliland iyo wadashaqaynta ka dhaxaysa beesha caalamka.

Mudane, Muuse Biixi waxa uu faahfaahin ka siiyey safiirka dalka Jarmalka xaaladda guud ee uu marayo dalka Somaliland, gaar ahaan abaarta baahsan ee saamaysay gobollada dalka Somaliland oo markii xoolihii dhammaadeen gaadhay in shacabka reer Somaliland iyo dawladdu galaan gurmad lagu badbaadiyo nafaha dadka ku dhibaataysan oo qiyaastii ah laba malyan oo qof.

“Abaarta baahsan ee ka jirta dalkayaga ayaa sababtay in aannu dib u dhigno doorashooyinkii dhici lahaa si aannu u galno gurmadka dadkayaga iyo maatida gaajada iyo harraadka u dhimanaya,” ayuu yidhi Guddoomiye Muuse.

Waxa kaloo uu ka codsaday dawladda Jarmalka inay ka hawlgasho sidii caawimo uga gaysan lahaayeen gurmadka abaarta Somaliland oo ay guud ahaan ka gaabisay beesha caalamka, sidoo kalena uu Jarmalkii sii xoojiyo taageerada dhaqaale iyo horumarinta kaabashaasha dhaqaale ee Somaliland.

Dhankeeda Safiirka dawladda Jarmalka Amb. Jutta Frasch, waxay ku ammaantay Somaliland dadaallada iyo gurmadka abaarta ee ay wadaan shacab iyo dawladba iyagoo aan kaalmo ka helin dunida iyo weliba abuurista hannaanka dawladnimo iyo nabadgalyada buuxda ee ka jirta Somaliland iyo weliba ku wada noolaanshaha xasilloonida ee waddamada mandaqada Geeska Afrika.

Dhinaca kale, Guddoomiyaha KULMIYE iyo xubnaha weftigiisu waxay kulan la qaateen madaxda Baanka Adduunka ee fadhigoodu yahay magaalada Nairobi, kaasi oo lagaga wadahadlay sidii Somaliland looga caawin lahaa dhanka dhaqaalaha iyo arrimaha abaaraha soo noqnoqday.

Weftiga Somaliland ee xisbiga KULMIYE waxay hore intii ay ku sugnaayeen magaalada Nairobi kulamo ula yeesheen Safiirrada Safiirka Maraykanka Mr. Stephen Michael Schwartz iyo Safiirka Midowga Yurub Mrs. Veronique Lorenzo iyo hay’ado caalami ah, kuwaas oo ay dhammaantood kala hadleen arrimaha abaarta ka jirta Somaliland, doorashooyinka iyo dib-u-dhaca ku yimi, xaaladda guud ee nabadgalyo iyo siyaasadeed ee Gobolka Geeska Afrika.

Guddoomiyaha KULMIYE Md. Muuse Biixi Cabdi waxa kulamadaa ku wehelinayey Guddoomiye-ku-xigeenka kowaad ee xisbiga Md. Maxamed Kaahin Axmed, Wasiirka Khayraadka Biyaha Somaliland Md. Xuseen Cabdi Boos, Safiirka Somaliland u qaabilsan Kenya Md. Cabdillaahi Cabdi Cali, siyaasiga Cali Baashe oo ka tirsan xisbiga KULMIYE iyo xubno kale.

Comments are closed.

Amas University

Faalooyin
Mashruucii Biyo Galinta Tog-Wajaale Halkuu Ku Danbeeyey Tolaw Hagrashadu Ma Wasaarada Biyahaa Mise Waa Xukuumada.    June 16, 2017
Mashruucii Biyo Galinta Tog-Wajaale Halkuu Ku Danbeeyey Tolaw Hagrashadu Ma Wasaarada Biyahaa Mise W
Qalalaasaha Diblomaasiyadeed ee Qatar iyo Carabta kale: Maxaad Kala Socotaa?    June 6, 2017
Shalay 5tii June, 2017 waxa dhacay dhacdo diblomaasiyadeed oo taariikhi ah, dalal badan ayaa xidhiid
Daawo: Mooshin Ka Dhan Kelmadda DHAQAN-CELIS    May 24, 2017
- Barnaamijka kulanka Gorfaynta oo ka baxa idaacadda Radio Maqal oo laga dhegayso Oslo iyo nawaaxige
Maxaynu Ka Baranay Sanadkan 18ka May /Qalinki suxufi madax banan cabdiraxmaan maxamed xidig    May 24, 2017
iyadoo shacbiga  reer somaliland ay ka midyihiin   bulshooyinka caalamka ee dhowaan la jaanqaaday
thumbnail_vvv Hambalyadii 18 May ee Itoobiya oo Jabuuti, Turkiga, Kenya ka aamuseen, oo dareenka shacabka Somaliland    May 20, 2017
Hargeysa- Jamhuuriyadda Dimoqraadiga Federaalka Itoobiya ayaa noqday dalka keliya ee ku soo hambalye
Somaliland 18 May 2012..Waa Malintii… Midigta Isqabsaday
Archives
June 2017
M T W T F S S
« May    
 1234
567891011
12131415161718
19202122232425
2627282930  
Site stats
  • Who's Online

    0 visitors online now