Dalkii Somaliland oo isu rogay dal qabiil hogaamiyo ee aanay xukuumadi hogaamin.

December 9, 2012 - Written by Maxamed Cabdillaahi Dubbe

(Somalilandfuture)-OSLO:        Markaad marto  dariiqyada kala duwan ee degaanada ay ka koobantahay somaliland ama goobaha laysugu miyaado ayaa waxaa dhegahaaga ka badanaya iyadoo lays weydiinayo sidii loo kala helay doorashooyinkii degaanka ee ka dhacay dalka. Hadaba arinta ugu layaabka badani waxay tahay iyadoo dadku halkii ay iska weydiin lahaayeen xisbigee ama xildhibaankee soo baxay ayaa waxaad maqlaysaa ” reerkee ku horeeya magaalo hebla iyo reerkee ugu badan” , kelmadahan qabiilaysan waxay meesha ka saarayaan in aan dadkuba doonayn doorasho mug leh oo wadankooda usoo jiida sumcad balse ay kartidoodii isu geeyeen sidii reer waliba uu reerka kale ee ay walaalaha yihiin u riixi lahaa ama uga sad bursan lahaa.

Waxaynu odhan karnaa waxaa dalkii iyo maamulkii si toos ah ula wareegay sumcad qabyaaladeed oo saamaysay dhamaan bulshaweyntii somaliland.  Markaynu hoos usii daadegno doorashooyinkan dawladaha hoose ee dalka ka dhacay ayaynu odhan karnaa waxay kaw ka tahay soo noolaynta iyo kobcinta qabyaalada iyadoo xitaa warbaahintii ay lakala safatay  ururadii iyo xisbaydii tartamayey waxaanad arkaysaa qaar websityada ka mid ah oo ku talaabsaday amaba aynu odhan karno waxay ka dambeeyeen mudaharaadyadii iyo dilalkii ka dhacay magaala madaxda Hargaysa sida warbaahinta badankeedu carabka ku dhufatayna waxaa kow ka ah rabshadahaa ka dhacay Hargaysa qolada Hadhwanaannews oo aad loogu hanweynaa balse hada aad moodo inay raadkeedii dib u raacday.

Waxaa is weydiin mudan sababta soo noolaysay qabyaaladii markii xukuumadan madaxweyne Siilaanyo talada la wareegtay waayo markaynu dib u jaleecno xukuumadii ka horaysay ee madaxweyne Riyaale qabyaaladu sidan ay hada tahay umay soo fada bixin ee shaadh ayay huwanayd, waxaanu culayska saari jiray inuu cadaadis xoog leh saaro waxyaalaha abuuraya qabyaalada isagoo aan ogaal jirin in shirar beeleedyadan asqaysan ee dalka waalay. Madaxweyne Riyaale wuxuu ahaa madaxweyne aan loola iman ama aan yeelin wixii dadka kicinaya sida: Shirar beeleedyada, qabyaalada qaawan ee lagu ololaynayo ee la leeyahay anagoo reer hebela. Wuxuu kaloo Riyaale ahaa nin cidii kasoo hor jeesata go,aamadiisa aan ka haybadaysan ee jeelka iyo meelo kale u taxaaba.

Hadaba markaynu usoo noqono qabyaaladan soo noolaatay intii xukuumadani jirtay ayaa waxaynu ku sababayn karnaa iyadoo xukuumadani ay aad uga gaabisay cidhib tirka iyo ka talaabsiga magacan kansarka ah ee qabiilaysiga, waxaanay haygooda usii daysay cid walba oo qaab qabiil wax ku doonaysa. Waxaanse aan shaki ku jirin in hadii ay sidan kusii socoto aan wax maamul iyo xukuumad iyo kala dambayntooni jiri doonin oo xaalku ku dambayn doono fawdo iyo qalalaase. Hadiise xukuumadan jilicsan ee Kulmiye ay arintaa soo afjarto oo go,aamo adag kasoo saarto iyo wacdi gelin is bar-bar  socda waxa suurtawda in ay yar shiiqdo oo shaadhkii hore loo huwiyo.

Bal u fiirso xitaa waxaad arkaysaa xildhibaanadii soo baxay oo mid-mid loogu abtirinayo iyadoo lagu soo baahinayo warbaahinta, waa waxyaalaha inagu cusub. ” ma xaqbaa la qaybsanayaa mise meesha qaran tartamaya ayaa ku loolamaya”.

Guntii iyo gebagebo xukuumadan Kulmiye masii jiri doonto hadii xaalku kusii socdo abtirsiimadan iyo tolla,aydan yeedhaysaa. Waxaana hubaala hadii aanay talaabo degdega ka qaadin arinkan qabyaalada ee shaadhkii laga saaray oo aanay gacan bir ah ku qabanin in dalka ay ka talin doonaan madax-dhaqameedyo madax kutiyoobay oo aan dheg la qabto lahayn.

Somalilandfuture Online.

Maxamed C. Dubbe.

mohdubbe@hotmail.com

 

 

 

 

Leave a Reply

You must be logged in to post a comment.

Amas University

Faalooyin
sadexdii Haddii Calafku Kugu Dhaco u Badalo Midho Macaan…” Sheeko Gaaban:- Saddexdii Beerwale.    July 25, 2017
Beeruhu waa jiritaanka aassaasska noloshada aadamaha, xoolaha iyo xayaawanada, wax-beeristuna waa ha
old man Indhihii Hibashada iyo Xusuusta La Ilmeeyey.    July 23, 2017
Maanta oo Axad ah ayaanu kulanay nin Oday ah oo aanu kawada tirsan nahay bahda shaqaalaha caafimaadk
BBC Soomaali Faallo: Si fiican ayay BBC-du Hargeysa ugu xustay lixdan-guuradeeda. Laakiin ma beddeli doontaa sida ay ula dhaqanto Somaliland?    July 20, 2017
Waxa Salaasadii Hargeysa lagu soo gunaanaday dabaaldeg Idaacadda iyo Telefishanka BBC-da ka socday m
DEG-DAG:- Ciidamada Booliska oo Jeelasha Ku Guray Saraakiil iyo Taageerayaal Ka Tirsan WADDANI+ Soo Dhaweyntii Weftiga Muuse Biixi ee Deegaanada Berbera oo Dadka Lagu Qasbaayey    July 18, 2017
Berbera- (SLF):-Ciidamada Booliska ee goballadaTogdheer iyo Saaxil, ayaa xalay illaa saaka xabsiga u
ahm aroos  1 HAMBALYO AROOS: Ahmed-daahir Maxamud Aw Faarax Iyo Fadxiya Xaaji Maxamed + SAWIRRO    July 17, 2017
Hargeysa— Aabo Maxamud Aw Faarax, Hooyo Faadumo Ibraahin Guled, Aamina Maxamud Aw Faarax, Cabdi Ma
Somaliland 18 May 2012..Waa Malintii… Midigta Isqabsaday
Archives
July 2017
M T W T F S S
« Jun    
 12
3456789
10111213141516
17181920212223
24252627282930
31  
Site stats
  • Who's Online

    0 visitors online now