Barack Obama oo u sheegay Maxamed Mursi in uu ka Walaacsan Yahay Waxyeelaynta Dadka Banaanbaxa Dhigaya

December 9, 2012 - Written by Maxamed Cabdillaahi Dubbe

Madaxweynaha dalka Maraykanka Barack Obama ayaa Madaxweynaha Dalka Masar Maxamed Mursi kala hadlay xaalada dalkiisu ku jiro, isla markaana u sheegay sida ay Washington uga welwelsan tahay rabshadaha iyo xiisadaha siyaasadeed ee ka taagan dalkaas, taas oo Obama xusay in ay aad uga xun yihiin, in dadka mudaharaadka dhigaya dhibaato soo gaarto oo dhimasho dhacdo.

Sida aqalka cad ee looga arrimiyo dalka Maraykanka sheegay, Madaxweyne Obama ayaa khadka telefoonka kula xiriiray, dhigiisa dalka Masar Maxamed Mursi ka dibna u sheegay in wada hadal deg deg ah laga galo xaalada ka taagan dalka Masar si loo soo afjaro dhibaatooyinka iyo qalalaasaha siyaasadeed.

Obama waxa uu dhamaan hogaamiyayaasha siyaasada ee dalka Masar ugu baaqay in miiska wada hadalada ay isugu yimaadaan isaga oo wax aan la aqbali karin ku tilmaamay rabshadaha iyo khasaare soo gaara shacabka reer Masar.

Sida bayaanka aqalka cad lagu sheegay waxa uu Obama aad u soo dhaweeyay wada hadalada iyo kulanka uu madaxweyne Mursi ku baaqay in Mucaaridka iyo kooxaha siyaasadu isugu yimaadaan, waxaanu si wayn u booriyay in xal deg deg ah laga gaaro arrinta taagan iyo muranka dastuurka la xiriira.

Madaxweynaha Maraykanka Barack Obama waxa uu ugu danbayntii fariin toos ah gaarsiiyay shacbiga reer Masar oo uu ugu baaqay, in ay is dejiyaan oo arrinta dhulka dhigaan, isla markaana u soo jeestaan wada hadalo sidii looga gali lahaa muranka taagan.

Leave a Reply

You must be logged in to post a comment.

Amas University

Faalooyin
b Fursadaha Dhaqaale Ee Dayacan    May 5, 2016
Bismilaahi Qoraalku waa tilmaan uu qofku wax ku sawiro kuna soo gudbiyo xaalad kasta oo dareenkii
n Ma Aqoon Baydaan u laheyn!!!!! Anderson Cooper    May 3, 2016
Anderson Cooper waa suxufi maraykan ah oo dhashay sanadkii 1967 waxaa waxbarashada ku qaatay magaala
Seerbiya Caweyskii aan Tuse Aw-toosiye la qaatay : Waxa Qoray Cumar Seerbiya‏    May 2, 2016
Caweyskii  aan Tuse Aw-toosiye la qaatay : Waxa Qoray Cumar Seerbiya Xasan Ismaciil Uur-cadde amab
Dharaaro Xusuustood – Qeybtii 46aad‏    April 28, 2016
Dharaarahan Sheekadu…, Berberaay miiskiin koriyaay, wallee Berbera laga maqnaan waa!! Prof. Maxam
GetAttachment.aspx Abaartii aynu ogeyn, ee daadkii ka danbeeyay iyo biyahaa baylahda ah    April 27, 2016
Abaartu waa masiibo dabiiciya Illahey ayaana inooga gargaari kara, waa imtixaanada aduunka lays mari
Somaliland 18 May 2012..Waa Malintii… Midigta Isqabsaday
Archives
May 2016
M T W T F S S
« Apr    
 1
2345678
9101112131415
16171819202122
23242526272829
3031  
Site stats
  • Who's Online

    0 visitors online now